Богати со хранливи материи и полни со антиоксиданси (како витамин C), јагодите имаат многу здравствени придобивки, од кои некои може да ве изненадат...

При диети
Една чаша јагоди содржи над 13% диететски влакна и само 43 калории. Влакната во јагодите помагаат да имате добро варење, го намалуваат крвниот притисок и спречуваат прејадување.

Антиоксиданси
Јагодите содржат хемиски соединенија наречени феноли. Антоцианинот е посебен фенол, пронајден во изобилство во јагодите, кој му дава богата црвена боја на плодот. Овој антиоксиданс се поврзува со слободните радикали и го забавува стареењето на клетките.

Штитат од рак
Комбинацијата од антиоксиданси и состојките кои делуваат против воспаленија а кои се наоѓаат во јагодите, е добро познато средство против појавата на многу различни форми на рак. Благодарение на витаминот Ц, фолната киселина, флавоноидите кверцетин и кемпферол, кои исто така се содржат во јагодите, овие плодови се вкусна заштита против развојот на клетките на ракот.