Звуците од кркорењето на цревата во желудникот на моменти може да нè доведе во непријатна ситуација...



Зошто се случува ова и дали тоа е нормално? Тоа е нормална појава што не може да се контролира. Ако мислевте дека вашиот стомак пушта звуци само кога сте гладни, грешите.

Тука не станува збор за желудникот, туку за цревата, односно, процесот на варењето на храната. Тогаш се врши потиснување на храна надолу, затоа се создаваат непријатни звуци како кркорењето.

Вишокот воздух собран во цревата најчесто го испуштаме со ждригање или гасови, кои исто така може да бидат непријатни во одредена ситуација за вас и за сите оние кои се околу вас.

Кога голтаме, освен храна и пијалоци консумираме и одредена количина на воздух. Мастика за џвакање, пушење цигари, смукање бонбони или ближалки, во стомакот внесуваме дополнителни количества на воздух, кој завршува во органите за варење.

Истото важи и за храна богата со влакна, како на пример: интегрален леб, грав, карфиол, брокула, газирани и засладени пијалоци со вештачки засладувачи.

Таквата храна брзо се разградува во нашите црева и притоа ослободува одредена количина гасови, поради кои се чувствуваме подуено и испуштаме чудни звуци.

Значи следниот пат кога вашиот желудник ќе испушти звук, не мора веднаш да трчате накај фрижидерот, туку почекајте да помине, а кога навистина ќе станете гладни слободно јадете го својот оброк.