Научниците развија сосема нов вид козметички производ - кармин што сам ја менува бојата во зависност од температурата на усните...

Карминот е со зелена боја, но тоа воопшто не значи дека ќе се смеете со зелени усни. Креаторите на производот наречен "Red 27" уверија дека тој ќе го балансира нивото на pH и ќе ја менува бојата според температурата на усните. За разлика од вообичаените кармини, новата формула ќе ја задржува бојата барем за неколку часа.

Претходниот спектар на кармини нуди модели кои ја менуваат бојата според расположението на жените. Сега новиот кармин нема да влијае на емоциите на корисничките, но ќе создава идеална нијанса која инаку тешко може да се постигне. Колку потемни стануваат усните, толку поголеми визуелно ќе бидат тие.

Единствениот недостаток е дека дури и да се обидувате, нема да можете да го избришете со вообичаените производи за чистење на шминка пред да поминат барем неколку часа.