Користењето на мобилен телефон може да предизвика зголемен крвен притисок, а тоа веројатно се должи на стресот, кој некои разговори го предизвикуваат, покажа италијанско истражување...

Истражувачите го измериле 12 пати крвниот притисок на 94 пациенти со покачен крвен притисок на интервали од една минута. Учесниците, чија просечна возраст била 53 години, требало да седнат во удобна фотелја во лекарска ординација и биле оставени сами по мерењето на крвниот притисок за прв пат.

Истражувачите се им јавиле по телефон на пациентите најмалку три пати и откриле дека кога пациентот зборува по телефон или добива повик, крвниот притисок му се зголемува во просек 121 на 77 и 129 на 82. Според Американското здружение за срце 120 на 80 е нормално крвен притисок за возрасни на 20 и повеќе години.

Научниците утврдиле уште дека пациентите кои добивале над 30 телефонски повици секој ден, се изгледа развиле форма на имунитет кон зголемувањето на крвниот притисок.

"Групата пациенти, кои се навикнати на честото користење на телефон, беа млади, а тоа покажува дека младите луѓе поретко се вознемируваат од растројства по телефон. Друга можност е луѓето кои се јавуваат над 30 пати на ден, да се чувствуваат поудобно, ако мобилниот телефон е активиран, бидејќи нема ризик да пропуштат добра можност", вели д-р Џузепе крипта, кој го остварил истражувањето.