Многу мажи кога ќе станат татковци доживуваат постпородилна депресија, иако таа воглавно минува незабележано и нелекувано, предупредуваат американските стручњаци...

Еден од 10 "нови" татковци има постпородилна депресија, веруваат америкнаските истражувачи на основа на преглед на медицинска литература.

Стручното списание  "Journal of the American Medical Association" укажува дека виновници може да бидат недостатокот на сон и новата одговорност или пак подршката на жената со нејзината постпородилна депресија.

Тим од Eastern Virginia Medical School своите наоди ги темели на 43 студии кои вклучуваат 28.004 родители од 16 различни земји, вклучувајќи ги Велика Британија и САД.

Стручњаците забележале дека новопечените татковци биле среќни во првите недели по раѓањето на бебето, но дека депресијата воглавно се појавила после три до шест месеци, до кога околу 10 до 25% од нив имале постпородилна депресија.

Исто така, мажите имале поголема веројатност за депресија ако нивните партнерки пателе од постпородилна депресија.