Не е тајна дека јогата помага за многу проблеми. Таа ја стабилизира душевната состојба и помага за наоѓање на внатрешен мир. Освен тоа ја стега фигурата и лекува болки во грбот, половината, стомакот и многу други...

Ако имате проблеми со спиењето, може да пробате да легнете на подот и да ги потпрете нозете во ѕидот. Вашето тело треба да е во форма на буквата "L" (како што е прикажано на првата слика). Одморете во оваа поза барем 5 минути, дишете длабоко. Убаво е да ја направите пред да си легнете.

Има поза која помага и против мамурлук. Кај неа треба да застанете наведнати напред со глава помеѓу рамената, а рацете ви да се склучени една во друга. Колената треба да се благо свиткани. Препорачливо е да стоите така додека направите 20 полни и длабоки вдишувања и издишувања. Позата помага за потикнување на бубрезите и црниот дроб, кои се оптоваруваат при употребата на алкохол.

Позата, позната како мачка пак помага при болките во стомакот кај предменструалниот синдром. Застанете на колена, со потпрени дланки на подот. Дишете длабоко и опуштете го стомакот кон подот потоа подигнете ги градите и 'рбетот нагоре. Убаво е да го направите 20 пати во секоја насока. Контракцијата и доделувањето на стомачните мускули помага за надминување на болката.