Научници од САД откриле дека непланираната бременост го зголемува четири пати ризикот од појава на постпородилна депресија. Истражувањето на научниците од Универзитетот во Северна Каролина било спроведено меѓу 680 жени...

Кај 64% од нив забременувањето било планирано, но кај 30% тоа не било во момент кога би сакале, а кај 6% била против нивната желба. Последните две категории биле обединети како непланирана бременост.

Нивната состојба се оценувала три месеци и една година по раѓањето. Три месеци по раѓањето кај 11% од жените со непланирана бременост се развила депресија, додека кај останатите оваа состојба била регистрирана кај 5%.

Година подоцна соодносот бил 12% наспроти 3%. Заклучокот на научниците е дека непланирана бременост може да има долгорочно влијание врз жените. Тие ја истакнуваат улогата на превенцијата и следењето на такви случаи пред и по раѓањето.

Внимателното следење на таква непланирана бременост од специјалисти може да помогне да се спречи влошувањето на психичката состојба на младите мајки веднаш по раѓањето, а и подоцна.