Јадењето пиперки два пати неделно може да помогне за намалување на ризикот од развој на Алцхајмерова и Паркинсонова болест со до една третина, покажува новото истражување...

Научниците откриле дека луѓето кои јадат храна како пиперки, домати, компири и модри патлиџани стекнуваат компаративен заштитен ѕид против болеста. Истражувањето додава нови докази поврзани со конзумацијата на зеленчук и намалување на ризикот од заболување поради пушењето и употребата на никотински лепенки.

"И покрај тоа не треба да претерувате", објасни водечкиот автор на студијата Сузан Нилсен од Универзитетот во Сиетл. Како и многу други студии и тоа покажува дека употребата на тутун го намалува ризикот од Паркинсонова болест. "Нашите резултати исто така покажуваат дека никотинот има заштитен ефект, но во пиперките се содржи хемикалија со сличен ефект, но помалку токсични", објасни научникот.

Во истражувањето учествувале 490 новодијагностицирани пациенти со болеста Паркинсон, кои биле испрашувани за нивните навики во исхраната и употребата на тутун. Дополнително во тестовите се вклучиле 644 лица, кои не страдале од никакви невролошки состојби. Резултатите покажуваат дека веројатноста да ви биде дијагностицирана Паркинсонова болест се намалува за една третина, ако се храните правилно и ставате акцент на пиперките. Тие содржат мали количини никотин, што сепак не може да се споредува со цигарите. Учесниците кои јаделе пиперки двапати неделно го намалиле ризикот од Паркинсонова со до 30%, велат уште стручњаците.