Користењето на некои видови козметика може да предизвика рак на белите дробови или на желудникот, бидејќи содржат опасни нивоа на хром, предупредуваат американските научници...
Некои шарени сјајови содржат вознемирувачки нивоа на алуминиум и манган. Има научници кои ги поврзуваат со Алцхајмерова болест, а постојат и сомневања дека манганот може да е причина за промени во расположението, проблеми со меморијата и координацијата.
Во истражувањето учествувале 32 различни марки козметички производи, од кои голем дел биле популарни меѓу тинејџерите девојки во САД. Експертите не ги откриле брендовите, но истакнале дека тие се широко достапни на пазарот, а нивната цена не е ниска.
Анкета покажува дека младите девојки и жени нанесуваат кармин или сјај на усните во просек по 2-3 пати на ден. Негативните ефекти не се видливи веднаш, но според научниците тие можат да имаат долгорочно негативно влијание.
