Согорувањето на доволно калории е залог за зачувување на тежината и дури за намалување на килограмите. Сите сакаме да изгледаме најдобро што можеме и да бидеме здрави, а постигнувањето на овие цели во голема мера зависи од нашиот начин на исхрана...

Предложените 5 начини да ги стопите поефикасно калориите ќе ви помогнат во настојувањето без да ви предизвикат особени напори или промена во исхраната.

Комплетен појадок
Според истражувањето јадењето појадок е најдобар начин да го стартуваме метаболизам, но повеќето од нас се уште имаме навика да ја пропуштаме раната исхрана - или едноставно грабнуваме по некој колач за патот.

Најдобар појадок е комбинација од протеини (на пример јајца), јаглехидрати (тост од пченичен леб или овесна каша) и здрави маснотии (маслиново масло или ореви).

Да го слушаме стомакот
Ако стомакот ни се жали дека е гладен, треба да го нахраниме. Подеднакво важно е да престанеме да јадеме штом се наситиме. Ако прејадеме, нашето тело складира вишокот калории во форма на масти. Ако не се храниме доволно пак, метаболизмот се забавува со цел зачувување на енергија.

Добра хидратација
Црниот дроб го прочистува организмот од токсините и ги конвертира мастите во енергија и потребите од вода за да функционира правилно. Добро е да пиеме доволно течности додека урината стане бледо жолта. Водата е добар избор, како и конзумирањето на многу овошје и зеленчук, но и чајот и сокот ќе не хидратираат доволно. Само треба да се увериме дека пијалокот не содржи многу шеќер.

Конзумација на пробиотици
Неодамнешна студија објавена во Molecular Systems Biology, утврдила дека корисните бактерии - како оние во јогуртот или пробиотските додатоци - може да помогнат за подобрување на варењето и метаболизмот и така придонесуваат за слабеењето.

Полути зачини
Капсаицинот, кој се наоѓа во лутите пиперки, може да го забрза метаболизмот за само 30 минути така што ќе ја зголеми телесната температура. Што значи дека за да изгориме повеќе калории, само треба да додадете чили кон јадењата.