Марихуаната на таблети, исто така може успешно да ја ублажува болката, како кога ја пушите, но со помалку несакани ефекти, покажува новото истражување...
Во експериментот учествувала група доброволци, едните од нив ја примале марихуаната во форма на апчиња. Сите учесници требало да ги стават рацете во мраз ладна вода и да останат така што можат подолго. Резултатите покажале дека оние кои гоиспиле апчето со канабис издржале подолго.
Научници од Универзитетот во Колумбија утврдиле дека Аналгетскиот ефект на таблетите продолжува повеќе. Пушењето го намалува прагот на болка за околу 2,5 часа, додека кај лековите ефектот трае приближно 4,5 часа. Веројатноста од зависност кај апчињата е многу помала, што е уште една позитивност за нив, објаснија уште експертите.
Марихуаната со медицински цели е дозволена само во некои земји, како лек за луѓето кои страдаат од тешки болести, придружени од силна болка. Сепак, пушењето има своите ризици за белите дробови, така што ја попречува нивната функција и го зголемува ризикот од рак.
