Симпатичното момче од соседството ненајдено ве повика на кафе, а вие имате 10 минути да се подготвите. Не очајувајте, затоа што со неколку мали трикови, за кратко време можете да постигнете секси изглед...

1.Коректор
Коректорот нежно нанесте го со тапкање на подочниците и сите црвени дамки на лицето, а потоа нанесете го и на самите капаци и добро размачкајте. Тоа ќе го отстрани црвенилото и визуелно ќе ги отвори очите.

2.Бронзер
Со широка четка полека нанесете бронзер на подрачјето под јаболчниците и линијата на косата. Брознерот ќе ви даде исончан изглед, но никако не смее да биде претемен.

3.Маскара
Трепките намачкајте ги со маскара за убаво да ги истакнете очите.

4.Туш или молив
За гламурозен изглед, на аголот од капакот повлечете тенка линија со туш или молив.

5.Руменило
На јаболчниците нанесете малку розево руменило.

6.Четка
Момците обожаваат убава коса, но ако немате време да ја измиете, барем соберете ја во слатка пунџа или опашка. Важно е само да се види дека имате фризура.

7.Парфем
Пред себе прснете од својот омилен парфем и зачекорете во тој "мирисен облак". Ќе мирисате прекрасно од глава до петици.