И покрај сите средства што ги користите кожата ви е сува и безживотна? Време е да ѕирнете во ладилникот и на своето лице и тело да му пружите вистински природен третман...

Јогурт
И птиците на гранка знаат дека јогуртот е одличен за здравјето и убавината. Освен што ни помага да ја зачуваме линијата, одличен е и како средство за свежина и влажност на кожата и ја намалува појавата на брчки. Овој евтин производ содржи и доста аминокиселини кои се одлични за темните кругови под очите.

Пилешки гради
Доколку сакате да имате тело како супермодел, размислете за пилешки гради за ручек затоа што се богати со протеини кои ги подобруваат растот на косата и ноктите, а со тоа се и главен извор на енергија и даваат чувство на ситост.

Јајца
Верувале или не, речиси сите славни дерматолози тврдат дека конзумираат јајца што почесто за да имаат бреспрекорен тен. Неколку пати неделно за доручек изедете едно тврдо варено јајце.

Кељ
Време е оваа намирница да ја ставите во вашето мени затоа што содржи 11% повеќе витамин Ц од портокалот кој пак помага за обновување на кожата. Освен тоа, кељот изобилува со витамин А кој ја прави кожата понежна и ги израмнува брчките.

Лимон
Овој магичен аргум можеме да го најдеме во повеќто козметички производи, но најефикасен е во природно издание. Идеален е за избелување на темните дамки на рацете, а во комбинација со кафеав шеќер може да послужи како пилинг и за отстанување на мртвите клетки.

Мед
Од секогаш сте сакале да имате прекрасна, сјајна коса како на рекламите? Наместо маска за коса, пробајте мед. Помешајте лажица маслиново масло, едно јајце и мед.