Предизвикот со цимет во последните неколку години популарна игра меѓу американските тинејџери, носи сериозни здравствени ризици, предупредуваат професионалците.

Предизвикот се состои во обид за голтање на цимет во прав, по што следуваат барем неколку минути воздржување од пиење на вода. Видео снимката од момче кое е загушено од проголтаниот цимет и очајнички се обидува да не пие вода го погледнале дури 30 милиони луѓе.

Иако изгледа како безопасна забава, некои учесници во оваа игра завршуваат во брза помош, понекогаш со оштетување на белодробното ткиво.

Циметот е каустична супстанца, која содржи биоотпорни целулозни состојки, па обидот да се проголта може да предизвика гушење, иритација на грлото, проблеми со дишењето, па дури и колабирање на белите дробови.

Доколку стигне до белите дробови овој зачин не се разградува, предупредуваат професионалците.