За опасностите и придобивките од кафето е пишувано во многу наврати, но научниците не застанаа тука и продолжија да нуркаат во експериментите во таа насока. Ново истражување открива уште неколку предности на кофеиновиот пијалок...

Американски истражувачи открија дека пиењето на кафе е одличен начин за слабеење, бидејќи кофеинот го намалува апетитот, и на тој начин значително ја намалува желбата за јадење и штити од прејадување.

Освен тоа кафето ја зголемува енергијата и издржливоста на организмот, помага и за намалување на мускулниот замор. Кафето може значително да ги зголеми силите и да ги подобри резултатите од физичката активност.

Кафето го намалува шеќерот во крвта и на тој начин го намалува ризикот од развој на дијабетес тип 2, утврдија експертите од Харвард. Истото истражување покажува дека оние кои сакаат кафе имаат 25% помалку шанси да развијат Паркинсонова и Алцхајмерова болест.

Во прилог на горенаведеното кофеиновите пијалаци се одличен антиоксидант, во многу случаи подобар дури и од оној во овошјето и зеленчукот. Кафето може да придонесе за подобрување на состојбата дури при ужасни болести како рак.