Да, навистина, нашите деца често се причина за загриженост, но освен тоа, тие имаат и корисно влијание врз нашето здравје...

Тоа е мислењето на тим од американски научници, чие истражување покажува дека присуството на деца дома води до намалување на крвниот притисок кај родителите.

Според кардиолозите од Универзитетот "Бригам Јанг" (Brigham Young University), цитирани од Ројтерс, не само редовните физички вежби и ограничената употреба на сол, туку и социјалните фактори, на пример присуството на деца во семејството, штитат од хипертензија.

"Иако секојдневната грижа за децата е поврзана со стрес, нашето набљудување покажува дека и покрај нив кај родителите крвниот притисок е во просек за 5 поени пониска, што важи како за горната, така и за долната граница. Кај мајките кои често поминуваат повеќе време со своите деца, оваа разлика надминува дури 10-12 поени", тврдат научниците, но сепак предупредуваат дека од тоа не треба да се прави заклучок колку повеќе деца, толку понизок крвен притисок затоа што позитивните резултати биле пресметани главно во семејствата со едно до две деца.