Музиката во живо е корисна за здравјето на најмладите и најранливите - бебињата, кои се уште се во утробата на мајка си или штотуку се појавиле на виделина, покажува новото истражување...

Докажано е исто така, дека живата музика во интензивна нега во болницата, ја подобрува срцевата фреквенција, дишењето, спиењето и тежината на новороденчињата. Во прилог е корисна и за родителите, кои со нејзина помош се ослободуваат од стресот.

Во истражувањето спроведено од Медицинскиот центар во Њујорк учествувале 272 недоносени бебиња од 11 болници. Тие имале здравствени проблеми, како респираторна инсуфициенција, бактериски инфекции и недоволна тежина. Музиката стимулира серија од хемиски реакции во нивите тела што го забрзува чукањето на срцето и дишењето.

Недоносените бебиња слушале три вида музички терапии. Првата била со звуци на океан, која дејствувала смирувачко. Научниците веруваат дека слична бучава слушаат бебиња во утробата на мајка си. Таа исто така има и хипнотизирачки ефект. Втората терапија вклучувала тапани кои бебето ги поврзува со пулсот на мајка си. Во третиот експеримент новороденчињата слушнале приспивни песни.

Истражувањето траело две недели, а музичките сеанси се одржувале по три пати неделно во текот на 10 минути.