Повеќето жени не можат да го замислат животот без шминка, вклучувајќи ја и за време на тренингот, но тие дури и не претпоставуваат дека тоа ја намалува ефикасноста на вежбите...

Една четвртина од жените ставаат шминка пред да одат на фитнес. Но експертите советуваат да не го правите тоа, бидејќи така ги намалувате резултатите за вашата фигура и топите помалку калории. Голем дел од анкетираните претставнички на понежниот пол велат дека ставаат шминка, за да го привлечат вниманието на спротивниот пол, но тоа само им штети на нивната кожа.

55% од жените изјавиле дека никогаш не ставаат шминка пред да одат во салата. Во исто време 26% од претставничките на понежниот пол го прават задолжително. Само 1% се шминкаат од време на време, а 8% велат дека зависи од ситуацијата.

Од оние кои одат на фитнес со спирала и руменило, 38% признаваат дека тоа го прават не само во салата, туку и секаде каде што одат. 29% од учесниците велат дека така ја зголемуваат самодовербата, 15% сакаат да скријат проблеми со кожата, а 11% сакаат да го привлечат спротивниот пол.

31% од учесниците одат на фитнес секоја недела, 22% - неколку пати во месецот, а 18% воопшто не посетуваат теретана.