Лутите феферончиња можат да го намалат ризикот од развој на рак на простата, тврдат научниците во германското стручно медицинско спиание "Aerzte-Zeitung", а група американски фармаколози велат дека состојката во лутите феферони - капсаицин, има антиканцерогени ефекти и кај туморот на панкреас...

Студиите покажале дека капсаицинот, состојката во фефероните која дава каратеристична лутина, предизвикува програмирана клеточна смрт (апоптоза) на канцерогените клетки на простатата и панкреасот.

Инаку, апоптозата е нормален процес кој овозможува оштетените клетки редовно да се отстрануваат.

Американски научници на глувците кои имале рак на простата им давале капсаицин кој ефикасно ги нападнал канцерогените клетки, по што дошло до изумирање на туморските клетки и значително намалување на големината на туморот.

Возрасните пациенти би требало да земаат околу 400 милиграми капсаицин три пати неделно, односно од три до осум лути пиперчиња, советуваат научниците кои веруваат дека резултатите од истражувањето наскоро би можеле да доведат до производство на капсаицин како нов "паметен" цитостатик.