Прекрасното време конечно пристигна, но тоа не значи дека треба да ја занемарите својата кожа. Токму во пролет започнуваат многуте тешкотии поврзани со кожата особено ако имате комбинирана или масна. Ви препорачуваме 5 козметички производи кои вашата кожата ќе ја подобрат до максимум...

1.База
Пудрата ви се впива во кожата па на крајот од денот изгледате како да не сте нашминкани? Почнете да користите база - ќе ја изедначи бојата на кожата, ќе ги прикрие порите и ќе ја задржи пудрата на вашето лице во текот на целиот ден.

2.Серум за очи со кофеин
Поради алергии вашите очи постојано се отечени? Набавете си сериум за подрачјето околу очите со кофеин, и тоа најдобро во рол он варијанта. Кофеинот е извонреден за отечени подочници затоа што го отстранува вишокот на течност.

3.Дневна крема со заштитен фактор
Бидејќи заштитниот фактор треба да го имате на лицето во текот на целата година за да го забавите предвременото стареење на кожата, ако сеуште не го користите - задолжително набавете дневна крема која го содржи. Запомнете не е важно како изгледате сега, туку како ќе изгледате за 5 години.

4.Лосион за матирање
За време на топлите денови, кожата на лицето повеќе се масти па така многу девојки имаат проблеми со Т-зоната. Најдобро би било да си набавите лосион за матирање и да го нанесувате наутро и навечер само на Т-зоната.

5.Лосион со крема за самопотемнување
Бидејќи кремите за самопотемнување бараат многу труд, ако сакате лесно до исончан тен, изберете лосион за тело кој содржи крема за сапомотемнување. Постапката никогаш нема да изгледа неуредно, а и резултатот ќе биде децентен.