Поголемото конзумирање на риба би можело да го продолжи животот на луѓето, покажале резултатите на анализата која ја спровела група истражувачи од Харвард и универзитетот во американската сојузна држава Вашингтон.

Анализата, всушност, укажува на позитивното дејство на животниот век на луѓето незаситени со масни киселини - омега 3 содржани во рибата, каква што е лососот.

Истражувачите дошле до тој заклучок извршувајќи анализа на статистичките податоци собрани за период од 16 години, а кои се однесуваат на 2.700 возрасни личности во САД на возраст од 65 години, па и повеќе, учесници во долгото истражување на Националните институти за здравје (NIH) за кардиоваскуларното здравје.

Констатирано е дека личностите стари 65 години и повеќе со најголемо ниво на омега 3 во крвта живеат во просек две години и два месеци подолго од оние со најниско ниво на тие масни киселини.

Постои можност, како што проценуваат научниците кои ја спровеле анализата, дека тие масни киселни ја намалуваат опасноста од смртноста од сите причини кај тие луѓе и до 27% и за 35% кога таа е последица од кардиоваскуларните заболувања.

„Резултатите од оваа истражување го потврдуваат значањето на доволната количина омега 3 во крвта за кардиоваскуларното здравје и наводите на заклучокот дека подоцна во животот таа добробит би можела да го продолжи бројот на години на живот“, објасни доктор Дариуш Мозафарис од Харвард.