Иако со првиот зрак на сонцето и убавото време помисливме како набргу ќе скокнеме во балетанките и отворените обувки, изгледа дека ќе мора уште малку да причекаме. Но, и за тоа треба да се подготвите...

Често преку зима забораваме на негата на стопалата. Дури со појавата на убавото време почнуваме да размислуваме на нив. Ако сакате да заштедите пари, ви предлагаме нега на стопалата во домашни услови. Ви носиме едноставен рецепт за маска на стопалата од јагода и бадеми.

Што ви е потребно
8 јагоди
1/2 лажици маслиново масло
1/2 лажица мелени бадеми
1 лажицка сол

Постапка
Кремата направете ја со миксер, а после употреба она што ќе остане можете да го искористите и подоцна, но задолжително сместете ја во фрижидер. Маската оставете ја да делува барем 10 минути.

Опуштете се и уживајте!