Конзумирањето на ореви два или три пати неделно го намалува ризикот од дијабетес од тип два за речиси 25%, покажува американско истражување...

Научниците кои проучувале 140 000 жени во САД, утврдиле дека редовното примање на мали порции ореви има силен заштитен ефект против болеста, која се заканува да прерасне во глобална епидемија.

Жените кои консумираат 28 грама ореви барем два пати неделно, го намалуваат за 24% ризикот од дијабетес од тип два во однос на оние кои ретко или никогаш не јадат ореви. Ова не е прво истражување кое го покажува корисното дејство на оревите за превенција од дијабетес. Макар што тоа е извршено меѓу медицински сестри, најверојатно оревите се одразуваат благотворно и врз мажите.

Научниците од Факултетот за јавно здравство на Универзитетот Харвард испитуваа 137 893 медицински сестри на возраст од 35 до 77 години во текот на десет години за да утврдат колку од нив ќе развијат дијабетис тип два. Прехранбените навики биле внимателно следени, а особено внимание се обраќало на тоа колку често консумираат јаткасто овошје, особено ореви.

Откако ги зеле предвид телесните масти и телесната тежина, научниците утврдиле дека консумирањето на ореви три пати месечно го намалува ризикот за 4 проценти, конзумирањето еднаш неделно - со 13 отсто, а најмалку два пати неделно - со 24 проценти. Оревите се богати со корисни масни киселини кои го намалуваат воспалителните процеси во телото и штитат од срцеви заболувања, рак и артритис