Конзумирањето на риба го продолжува животот барем со две години.Тоа го открија американските научници. Возрасните луѓе кои имаат високи нивоа во крвта на омега-3 масни киселини кои се содржани во рибата и морските плодови, го намалуваат ризикот од предвремена смрт за 25%...

Научниците откриле уште дека ризикот од смрт од срцево заболување се намалува за една третина во споредба со постарите лица кои имаат ниски нивоа во крвта на масни киселини.

Истражувачите од Харвард училиштето за јавно здравје и Вашингтонскиот универзитет открија дека луѓето на 65-годишна возраст со највисоки нивоа во крвта на масни киселини живеат во просек за 2,2 години повеќе од оние со најниски нивоа.

"И покрај усвојувањето на рибата од долго време да се смета за дел од здравата исхрана, малку се истражувањата на односот помеѓу нивото на омега-3 во крвта и смртноста кај постарите луѓе. Нашето откритие ја потврдува важноста на адекватното ниво на омега-3 во крвта за здравјето на крвотокот и покажува дека подоцна во животот корисното влијание може да ги зголеми преостанатите години живот", изјави раководителот на истражувањето доцент Дариуш Модафариан од Факултетот за епидемиологијата на универзитетот.

Рибата обезбедува омега-3 масни киселини, кои се од суштинско значење за развојот на мозокот и се смета дека го намалуваат воспалителните процеси во мозокот, кардиоваскуларниот систем и во други клетки. Претходни истражувања открија дека рибите ја намалуваат опасноста од смрт од срцеви болести.