Пушачите кои палат цигара веднаш штом ги отворат очите, се изложуваат на поголем ризик од рак на белите дробови и на устата, покажа американско истражување...
Научниците откриле повисоки нивоа на хемикалијата NNK која води до создавање на тумори отколку кај луѓето кои чекаат половина час или повеќе пред да ја запалат својата прва цигара за тој ден. Ова важи независно од бројот на испушени цигара за еден ден.
"Сметаме дека луѓето кои пушат веднаш штом се разбудат, го вдишуваат димот подлабоко и целосно", изјави Стивен Бранстетар, шеф на истражувањето на Универзитетот Пен Стејт. Тој додаде дека времето до првата цигара покажува кои луѓе се изложени на најголема опасност и може да помогне во воспоставување на нови методи за откажување од цигарите.
Истражувањето меѓу 1945 пушачи утврди дека 32% ја пушат својата прва цигара на ден пет минути по будењето, а 31 проценти - меѓу 6 и 30 минути откако отворат очи. Тоа покажува дека палењето на цигара рано зема приоритет над другите фактори кои влијаат на нивото на NNK, како возраста на пушачи, полот и времето кога почнал да пуши.
