Херпесот на усните е знак за намалени ментални способности, утврдија американските научници од Њујорк по анализа на 1625 мажи и жени...

Научниците ги тестирале менталните активности и меморијата на учесниците кои биле на просечна возраст од 69 години. Резултатите покажуваат дека луѓето со високо ниво на инфекција во крвта имаат за 25% поголема веројатност да покажат пониски резултати на стандардниот тест на умствените способности. Испитите се повторувале на секои 12 месеци и така во текот на осум години.

Иако се потребни дополнителни истражувања во оваа област, благодарение на откритието, веќе може да се идентификуваат лицата кои се изложени на поголем ризик од когнитивно оштетување. Според специјалистите вакцинацијата против вирусната инфекција, како што е херпесот, уште во раната детска возраст ќе го намали ризикот од евентуални проблеми со меморијата во зрела возраст.