Сонот на сите љубители на чоколадо стана реалност - чоколадото се покажа корисно за здравјето. Според последните истражувања дури само една залак од вкусниот десерт влијае позитивно на мозокот и го намалува ризикот од мозочен удар...

Одамна е познато дека црното чоколадо е корисно, но со најновите истражувања стана јасно што е позитивното дејство врз крвните садови. Според научниците од универзитетот во Глазгов јадењето на само едно блокче чоколадо има директно влијание врз мозокот и може да го спречи ризикот од мозочен удар.

Научниците ја измериле брзината на крвта која тече низ најголемата артерија во мозокот, додека луѓето јаделе чоколадо во легната положба. Тие откриле дека чоколадото има ефект врз нивото на јаглерод диоксид, кој влијае на крвните садови, го подобрува протокот на крв, што за возврат влијае на мозочните клетки.

"Нашето истражување покажа директна врска на чоколадото врз крвните садови на мозокот. Истражувањето покажа дека чоколадото има ефект врз нивото на јаглерод диоксид, кој пак влијае на крвните садови, го подобрува протокот на крв и за возврат влијае на мозочните клетки. Сметаме дека ризикот од мозочен удар може да се спречи преку чоколадо, поради однесувањето на крвните садови на мозокот при интеракција со чоколадото. Корисните флавоноиди, пронајдени во какаото се антиоксиданси кои помагаат во спречувањето на кардиоваскуларните болести. Сепак, чоколадото е и со висока содржина на шеќер и масти, што пак може да предизвика дебелина, што е ризичен фактор за мозочен удар", рече професор Метју Волтерс.