Маслиновото масло може да биде вистински „партнер“ во слабеењето, сметаат истражувачите од Универзитетите во Минхен и Виена. Се работи за тоа што маслиновото масло може да предизвика чувство на ситост, па со самото тоа и губење на килограми.

Истражувачите дошле до тој заклучок по тримесечен експеримент за време на кој на доброволци им давале да конзумираат јогурти збогатени со масни состојки: маслиново масло или масло од маслова репка, путер или маст.

Тие потоа констатирале дека јогуртите со маслиново масло создаваат поголемо чувство на ситост.

Последица било што доброволците јаделе помалку, односно внесувале во просек 200 калории помалку дневно.

Научниците објасниле дека се работи за тоа што конзумирањето на маслиново масло предизвикува лачење на хормонот серотонин (хормон на задоволството) кој влијае на чувството на ситост.