Повеќето жени постојано се борат за да ги намалат масните наслаги, да ги прекријат или ако имаат среќа, воопшто да не ги добијат. Сепак, некои информации за тие натрапници не ни се познати...

1.Навистина постојат делови од телото каде е добро или лошо да имате масни наслаги. Опасност за здравјето претставуваат наслагите во подрачјето на стомакот и половината. Тие настануваат под влијание на стрес и продолжуваат да се трупат под стрес зголемувајќи го чувството на глад и замор. Со внесот на омега-3 масните киселни и пробиотици ги намалувате негативните ефекти.

2.Кај вежбањето често се очекува  брз напредок. Меѓутоа, треба да имате трпение затоа што трошењето на калории му претходи на трошењето на масни наслаги. Колку повеќе калории ќе потрошите во текот на вежбањето, ќе создадете поголем недостаток и последователно на тоа ќе губите масни наслаги. Вештината на губење на вишокот килограми се крие во интензивниот тренинг - изменете ги тешките и лесни вежби, за што пократко време да потрошите што повеќе калории.

3.Вишокот на килограми влијае на вашето расположение и не само на типичен начин. Тоа е посебно врзано со вишокот на масни наслаги од подрачјето на стомакот. Истражувањата покажале дека хормонот кортизол, кој под влијание на тие наслаги му праќа порака на мозокот дека сте гладни и  уморни, исто така е поврзан и со долгите периоди на лошо расположение. Позитивно влијание во тој случај може да има темното чоколадо или јогурт.

4.Целулитот не е проблем само кај оние со висок процент на маснотии. Него го создаваат масните наслаги кои се наоѓаат веднаш под слојот на кожата, а сврзаното ткиво ги нагласува. Јакнејќи ги мускулите со вежби и истовремено трошење на масните наслаги може да ја намали појавата на целулит. Но, анти целулитните креми и лосиони никако не ги отстрануваат масните наслаги. Можат само минимално да ја разнежнат кожата и со тоа малку да ги скријат дупчињата, ништо повеќе од тоа.