Лоша вест за сите девојки кои своите нокти ги украсуваат со гел. УВ ламбите, без кои тоа не би било можно, го зголемуваат ризикот од појава на рак на кожата...

Истражувањата покажале дека ризикот од добивање рак е мал, но сепак не треба да се занемари. Се работи за SCC или сквамозен карцином, кој се смета за вториот најчест облик на рак на кожата. Предизвикан е од континуирано излагање на УВ зраците, а се појавува воглавно на рацете или околу ноктите. Од 700.000 случаи годишно во Америка, 2.500 завршуваат со смрт, пренесува порталот "Refinery29".

Прашањето за тоа дали таквите ламби предизвикуваат рак на кожата се појави веднаш по нивното појавување, но доказите тогаш се сметаа за неверодостојни. Но, не можеме да кажеме дека резултатите од истражувањето се изненадувачки, затоа што од секогаш сме знаеле дека УВ ламбите предизвикуваат стареење на кожата и хиперпигментација.

На вас е да одлучите дали ноктите со гел се вредни за ризик од заболување од рак. Но, ако без тоа едноставно не можете, пред закажаниот термин намачкајте ги рацете со крем за сончање, со најмал заштитен фактор 15.