На козметичката куќа Loreal и се заканува парична казна од 120.000 евра доколку не ги повлече спорните реклами од интернет за неколку креми против брчки, соопшти Управата за заштита на шведските потрошувачи.

Правосудните органи во Стокхолм вчера ја осудиле шведската филијала на козметичката куќа Loreal поради невистинито информирање за ефектите за употреба на поединечни креми за лице на интернет страницата на компанијата.

Оспоруваните производи се кремите Vichy - lifeactive и lifeactive со ретанол, кремите на Loreal - revitalift, age perfect и кремата на Garnier - ultra lift.

Loreal во Шведска во 2012 година е осуден поради невистинито рекламирање на споменатите производи во списанијата.

Судот и замерува на компанијата што после тоа продолжила на ист начин да ги рекламира производите на интернет сајтовите давајќи податоци кои немаат научна потврда за редукција на брчките и регенерација на кожата.