Џуџестата афричка водена жаба, која се продава како домашно милениче, може да биде преносител на салмонела, укажува студијата на американскиот Центар за контрола и первенција на болести (CDC).

За време на 2008 година овие миленичиња со специфичен вид на салмонела заразиле 376 Американци, во главно деца, од кои 29% се хоспитализирани, истакнува водачот на истражувањето Сона Мети Зарецки.

Поголемиот број Американци знаат само за храна заразена со салмонела, а не се запознаени со тоа дека пренесувачи на оваа бактерија можат да бидат и рептилите и водоземците, истакнува Мети Зарецки.

Салмонелата се пренесува во директен контакт со заразена жаба или со вода во која таа престојува. Симптомите на заразување се дијареа, грчеви, повраќање и упорно висока температура. Доколку не се лечи, зразата со салмонела може да има дури и смртен исход. Најопасна е за деца и постари личности со ослабнат имунолошки систем.

Мети Зарецки нагласува дека џуџестите водени жаби не се препорачливи домашни миленичиња за деца и постари личности. Во најмала рака, децата и старите не би требало да се занимаваат со чистење на базените во кои овие жаби престојуваат.