Убавината започнува одвнатре и женските хормони се најголемиот доказ за тоа...

Според најновите истражувања убавината зависи од тоа во кој период од месечниот циклус се наоѓаат дамите. 2 недели по крајот на менструацијата, кога ќе настапи овулација, во организмот на понежниот пол се одделуваат големи количини женски хормони.

Тоа го разубавува понежниот дел од човештвото и дури намуртените колешки стануваат мили, насмеани и позитивни, сметаат научниците од британскиот универзитет "Сент Ендрју". Тие спровеле двомесечно истражување во кое се вклучиле доброволки на возраст меѓу 18 и 25 години. Ниту една од учесничките не прифаќале контрацептиви и не користела козметика. Научниците ги следеле хормонските нивоа и го бележеле денот на менструацијата на секоја од нив.

Специјалистите направиле фотографии на учесничките во одреден ден од месецот, кога во организмот имале висока концентрација на естроген. Потоа ги фотографирале убавиците на крајот на месечниот циклус. На крајот на експериментот научниците покажале фотографии на независни експерти кои ја оцениле атрактивноста и женственоста на учесничките.

Специјалистите определиле дека женската убавина е најголема во деновите во кои доброволките биле во средината на месечниот циклус и женските хормони биле највисоки. Според научниците, тоа е доказ дека привлечноста зависи најмногу од плодноста.