Научниците велат дека за прв пат успеале да им помогнат на жените со тешка анорексија со терапија со вградени електроди во мозокот...

Техниката е во експериментална фаза и само некои пациенти имале подобрување, но терапијата се појави како ветувачка, пишува медицинскиот магазин "Ланцет"

По девет месеци 3 од 6 пациенти третрирани со новиот метод ја зголемиле тежината и изгледаат во подобра состојба на духот, велат од тимот експерти од САД и Канада. Техниката се состои во длабокомозочна стимулација (DBS) и резултатите кај тројца пациенти третирани со неа подобрувањето е поврзано и со вкупното подобрување на квалитетот на живот, надминување на неврози и вознемиреност поврзани со анорексија, како и зголемување на телесната тежина.

Кај другите не е забележано особено подобрување, но кај некои од нив имало контраиндикации, пример жена со напади. Anorexia nervosa е хронична болест која влијае кај речиси 1% од луѓето. Тоа се среќава почесто кај девојки меѓу 15 и 19 години. Таа е една од психичките болести со највисока смртност - меѓу 6 и 11% и е меѓу најтешките за лекување. Методот кој го нудат научниците е преку имплантација на електроди во оние делови на мозокот кои се одговорни за регулирање на емоциите.