Го мразите цел свет и се што сакате е да се скриете под ќебето и да изедете едно големо чоколадо? Да, оние денови во месецот дојдоа, но ако им верувате на научниците, подобро од слатките можат да ви помогнат спанаќот и цвеклото...

Да, добро прочитавте - научниците откриле дека најдобар лек за ПМС е токму железото кое се наоѓа во спанаќот, брокулата, цвеклото, црвеното месо...

Како што пренесува "New York Times", неодамнешно истражување покажало дека токму железото може да ги смири бројните симптоми кои се поврзуваат со ПМС, како што се главоболка, раздразливост и нервоза.

Истражувањето било спроведено на примерок од 1 057 жени, а резултатот бил изненадувачки: жените кои внесувале 20% повеќе железо од останатите испитаници, страдале од ПМС 40% помалку!

Иако звучи премногу едноставно за да биде вистинито, следниот пат кога ќе ве фати ПМС, ви препорачуваме да одбиете "junk food", да одите до супермаркет и да си набавите куп здрав зеленчук и месо полно со железо.