Универзитетски научници од Ливерпул неодамна направија откритие дека бремените жени кои имаат куче, се физички поактивни од другите...

Физичката активност за време на бременоста е важен дел од борбата со прекумерната телесната тежина. Во текот на истражувањето експертите откриле дека со брзо одење бремените жени кои имаат кучиња, ја зголемуваат приближно 50% можноста да ги постигнат препорачаните 30 минути активност на ден. Заедно со здрав начин на исхрана, прошетките со кучето може да оформи една ефикасна стратегија за справување со тежината и одржување на добро здравје за време на бременоста.

"Правењето на вежби за време на бременоста може да биде доста тешко. Има се повеќе докази дека вежбите како прошетка со кучето може да доведат до зголемување на мотивацијата и ефикасноста. А прошетката со куче е и забавна активност со низок ризик која може да го подобри здравјето како на мајката, така и на детето ", коментира д-р Сандра Макон, менаџер на истражувачката програма на Универзитетот.

Сепак истражувачите откриваат дека дел од бремените жени кои учествувале во истражувањето и кои имаат кучиња, не се ангажираат со редовни вежби.

"Ова покренува важни прашања за тоа како да се промовираат прошетките со кучето и да се увериме дека и миленичето и сопствениците имаат корист од оваа зголемена активност", додава д-р Макон.