Три шолји кафе дневно во средните години од животот можат да го продолжат животниот век и за неколку години.

Студијата во која учествувале повеќе од милион испитаници на возраст од 50 до 71 година покажала дека ризикот од изненадна смрт се намалува со конзумирање на три шолји кафе дневно.

Внесувањето на големи количини кофеин во организмот во главно се смета за нездраво, но резултатите од оваа истражување кое е спроведено во организација на американскиот Национален институт за рак покажале дека личностите кои конзумираат две или три шолји кафе дневно се изложени на понизок ризик од смрт предизвикана од инфаркт и респираторни инфекции, мозочни удари, дијабетес, па дури и различни видови инфекции.

„Две или три шолји кафе дневно го намалуваат ризикот од рана смрт за 10% до 15%, но конзумирањето на поголеми количини не го зголемува тој процент, така што не би требало да се претерува“, вели д-р Нил Фридман од Националниот инситут за рак.

За време на истражувањето, испитаниците стари меѓу 50 и 71 година се следени 12 години и нивните навики укажале на јасен тренд на позитивно влијание на кафето врз здравјето.

Најголем проблем овде претставува фактот дека љубителите на кафе во омилениот пијалок обично уживаат со цигара, што е навика која опасно го скратува животниот век.