Интензивните тренинзи од секогаш биле фалени поради позитивното влијание на губењето на вишокот килограми, меѓутоа, кога е општото здравје во прашање, обичното пешачење во текот на подолг временски период секој ден претставува најдобар избор...

Кога лицата со нормална тешина согореле иста количина калории преку кратки интензивни тренинзи и долги периоди на пешачење или стоење, групата која пешачела го подобрила и нивото на холестеролот.

Меѓутоа, ова е само мал дел од тоа што го знаеме, рекол главниот истражувач Ханс Свелберг, бидејќи, од друга страна, долгите периоди поминати во седење се нездрави, без оглед на согорените калории.

"Истражувањето покажува дека, доколку вежбате секој ден по половина час, а остатокот од денот го преседите, ќе имате нездрав начин на живот. Иако вежбањето ви помага да согорите калории, интензивното седење ги потикнува негативните здравствени ефекти", тврди Свелберг.

Што се однесува до стоењето, истражувачите сметаат дека дури и станувањето од стол претставува сигнал за будење на телото кое потоа почнува посилно да ги активира своите системи.