Најново истражување покажало дека секојдневното занимавање со јога може да биде корисно за здравјето на срцето.

Истражувањето кое го спровеле научниците од Индијскиот институт за технологија го потврдил она што повеќето луѓе кои се занимаваат со јога веќе го знаат - таа дисциплина помага во контролата на отчукувањето на срцето.

Во истражувањето учествувале 84 мажи кои доброволно се пријавиле, при што се покажало дека оние кои дишеле или вежбале онака како што налага јогата, можеле да го контролираат парасимпатичкиот и симпатичкиот нервен систем, па поради тоа можеле да влијаат на бројот на отчукување на срцето во минута.

Со подобра контрола на пулсот возрасните можат полесно да се справуваат со разни облици на психолошки стрес поради животните ситуации како слабеењето, возбудувањата од сите видови или било кои други ситуации кои влијаат на нас.

Јогата исто така има мноштво други позитивни влијанија на психата, вклучувајќи и подобрување на држењето, намалувањето на нивото на стресот и сл.