Бракот е добар за женското здравје, не само за машкото, покажува новото истражување, според кое како сопружниците, така и сопругите е помалку веројатно да добијат срцев удар во однос на нивните пријатели без подобра половина...

Претходното истражување покажа дека бракот се одразува најдобро на здравјето на мажите, можеби затоа што сопругите се грижат за нив и ги тераат да одат на лекар. Но ново финско истражување утврди дека семејниот живот е корисен и за жените.

Како женетите мажи, така и мажените жени покажуваат значително пониски стапки на срцеви удари отколку луѓето без половина на иста возраст. Освен тоа, веројатноста тие да преживеат при срцев удар е значително поголем.

Научниците од Универзитетската болница во Турку истражувале 15 330 случаи на "акутен срцев синдром" во период од 10 години. Малку повеќе од половината испитани случаи завршиле со смрт до 28 дена. Тие утврдиле уште дека како неженетите мажи, така и немажените жени имале за 75% поголема веројатност да страдаат од слична болест во одност на женетите мажи и мажените жени.

Кај луѓето кои добиле срцев удар или развиле нестабилна ангина, неженетите биле изложени на 2,5 пати поголема опасност да починат во 28-дневен период. Научниците веруваат дека бракот им помага во зачувувањето на здравјето, благодарение делумно на "социјалната поддршка" меѓу мажот и жената.

Ова може да има спасителни последици. На пример научниците утврдиле дека женетите луѓе е поверојатно редовно да ги земат лекарствата како статин или аспирин. Освен тоа женетите добивале побрзо помош во случај на срцев удар, бидејќи нивната партнерка се јавила веднаш во болница.