Освен што го снабдуваат организмот со витамини овошјето и зеленчукот имаат волшебно својство да го подобрат расположението на човек. Тоа го покажаа група експерти од Универзитетот во Отаго, Нов Зеланд. Заклучоците се донесени врз основа на истражување на 281 лица, соопшти "Daily Mail"...

Тие ги замолиле учесниците да запишуваат каква храна конзумираат и да водат записи. Експериментот траел 21 ден. На крајот од студијата се покажало дека луѓето во чие мени присуствуваат повеќе овошје и зеленчук се чувствуваат среќни и релаксирани и истовремено-исполнети со енергија. Кај оние кои конзумирале нездрави производи, сличен ефект не се забележан.

Специјалистите се категорични дека позитивните промени во расположението се гледаат токму во деновите во кои учесниците во експериментот се хранат со многу овошје и зеленчук.

Младите луѓе треба да јадат околу 7-8 порции овошје и зеленчук дневно, за да има позитивна промена во расположението.

Една порција е количина која се вклопува во дланката (што е околу половина чаша). Дополнително истражување покажаа дека овој начин на исхрана, го подобрува расположението дури и во следниот ден.