Можеби е време да престанете со алкохолот.

Конзумирањето на алкохол пред одењето во кревет обично ни помага побрзо да заспиеме, но може да ја поремети фазата на сонот кој донесува најмногу одмор.

Научниците од Лондон и Единбург велат дека конзумирањето на алкохол ги пореметува вообичаените циклуси на спиење, затоа што ја оневозможува фазата во која сонуваме, а со тек на време може да доведе и до несоница.

„Една или две чаши можат да бидат во ред краткорочно, но ако продолжите да пиете пред одењето во кревет, можете да предизвикате големи проблеми. Ако испиете нешто, најдобро е да почетате час и половина или два пред да заминете на спиење, за алкохолот да се разгради“, изјави Крис Иџиковски, еден од авторите на истражувањето.

Тој кажал дека луѓето можат да станат зависни од конзумирањето на алкохол пред спиење, да имаат немирен сон или да почнат да ’рчат.

„Со зголемување на дозата, алкохолот ни го отежнува дишењето. Тој може да ги претвори личностите кои не ’рчат во ’ркачи, а оние кои веќе ’рчат можат да доживеат прекинување на дишењето“, рече Иџиковски.

Алкохолот дејствува во три фази. Во првата го скратува времето кое ни е потребно да заспиеме, а во другата не праќа во многу длабок сон, што личи на дејството на антидепресивите.

Во другиот дел од ноќта дејството станува непријатно, затоа што алкохолот предизвикува испрекинат сон и ја ремети REM (rapid eye movement) фазата, за време на која сонуваме.