Секојдневно се откриваат нови ефекти од кокосовото масло па така тоа станува се поголем хит. Кокосовото масло мора да стане и ваша главна состојка - без оглед дали се работи за во кујна, нега на телото или косата...

Кокосовото масло на собна температура изгледа како бела маса, која е полна со хранливи состојки, добри масти и содржи антибактериски својства. Идеално е за сува, оштетена и кршлива, но и за густа и кадрава коса. Кокосовото масло ќе и даде на вашата коса волумен, и ќе го намали нејзиното опаѓање и оштетување.

Делува така што продира длабоко во коренот на косата и со тоа ја штити од штетното влијание на водата, временските услови, губењето на протеин и го спречува нејзиното сушење. Истовремено ја задржува хидратантноста на кожата и стимулира циркулација на скалпот помагајќи при проблеми со првутот.

Наједноставен начин за да го вметнете кокосовото масло во својот третман е директно да го измешате со својот стандарден шампон за миење коса.

Пред мешањето потребно е да го растопите кокосовото масло за да стане потечно, потоа да го ставите во шитето со шампон и добро да потресете.

За почеток нека мешавината биде во размер од 1:6 кокосово масло наспроти шампон. По миењето косата не би требало да биде масна (ако се случи тоа променете го размерот според потребите на својата коса).