Во зимски услови потребно е да посветите многу повеќе нега на кожата, особено кога станува збор за лицето. Меѓу другото, кој не сака да испроба нови производи за убава кожа. Маските за лице се веројатно најзабавниот дел за нега на кожата, но евтино може да ги направите и во домашни услови...

Овој рецепт е одличен за оние кои се поштедливи а воедно и не содржи потенцијално штетни состојки.

Потребно
1 лист желатин
2 лажици мелко
Стапче за нанесување на маска, и малку способност и брзина

Подготовка
Растопете го желатинот во  малку вода, ицедете и ставете го во загреано мелко. Потоа на тивок оган мешајте 1-2 минути додека не настане густа смеса.

Веднаш нанесете на претходно измиено лице (но внимавајте да не е премногу жешко). Оставете ја маската да се исуши 15-тина минути, а тогаш лесно извадете ја. Чистата и мека кожа е загарантирана!

Плус! По избор можете да ставите и капка смирувачко етерично масло од лаванда, за пријатен мирис и антибактериски ефект.