Погрешно е убедувањето на пушачите дека откажувањето од цигарите ќе ja зголеми нивната нервоза на долг временски период, покажало едно од истражувањата објавено во британското научно списание "British Journal of Psychiatry"...

Пушачите кои успеваат да се ослободат од чадот долгорочно ја намалуваат вознемиреноста, додека кај оние кои не успеваат доаѓа до нејзино зголемување, покажале резултатите од истражувањето на група научници од Кралскиот колеџ во Лондон и универзитетот Саутемптон.

Научниците дошле до тој заклучок со следење на 491 пушачи, учесници во програмата за одвикнување од пушењето во која се комбинират психотерапија, едукација и лекување со лекови.

Тие го мереле нивото на стрес пред да престанат да пушат и шест месеци подоцна.

Резултатите покажале дека кај пациентите кај кои успеало откажувањето од пушење дошло до поголемо намалување на вознемиреноста, отколку кај пациентите на кои не им успеало тоа.

Тенденцијата била поизразена кај лицата со некои психички заболувања.