Зелениот чај помага при слабеење, со редовно пиење може да изгубите еден килограм месечно. Тој е природен антиоксиданс кој го регулира варењето, ги топи масните наслаги и го буди организмот...

Ги разградува масните наслаги
Ако сте изеле повеќе масна или блага храна, филџан зелен чај ги намалува штетните последици од калоричниот оброк. Затоа пред се е заслужен катехинот кој го потикнува разградувањето на непосакуваните масни наслаги.

Го забрзува метаболизмот
Калориите побрзо се трошат со зелен чај. Истражувањата покажаа дека лицата кои редовно пијат зелен чај, дневно трошат 6% повеќе калории од лицата кои не го конзумираат. Со други зборови, ако дневно внесувате околу 2300 калории, 138 може да анулирате со помош на зелениот чај.

Ја намалува гладта
Зелениот чај го држи нивото на инсулин под конторла, што значи дека нивото на шеќер во крвта е стабилно па организмот бара помалку слатки. Гладта ја намалува и пријатната топлина на чајот.

Целулит и издржливост
Бидејќи зелениот чај е антиоксиданс кој го потикнува излачувањето на штетните материи, а кожата ја прави понежна и цврста, помага и при намалување на целулитот. Процесот е посебно ефикасен во комбинација со физички вежби. Исто така, зелениот чај ја зголемува издржливоста за 25%.

Прва помош за варење
Ако ве мачат проблеми со варењето, напијте се голем филџан зелен чај со неколку капки лимон.

Будење
Се чувствувате уморно и исцрпено? Зелениот чај го освежува организмот, го крева расположението и ја стимулира циркулацијата.

Колку филџани да пиете?
Оптималната дневна доза која ги дава сите позитивни својства од зелениот чај се движи од околу 6 филџани. Во чајот по желба можете да додадете малку лимон или млеко. Лисјата од зелениот чај никогаш немојте да ги прелиете со зовриена вода затоа што преголемата топлина ги уништува корисните својства.