Еве уште една причина да размислите дали можеби е време да се откажете од цигарите - ако пушите и се опиете, ве чека пеколен мамурлак. Луѓето кои пијат и пушат имаат потешки симтоми на мамурлак од оние кои само пијат.

Научниците предупредуваат дека штетното дејство на никотинот на нервниот систем сериозно го влошува мамурлакот.

Познато ли ви е тоа чувство, сте испиле некоја чаша повеќе, а утроти се будите со сува уста, во главата ви чукаат тапани, а сте на раб на повраќање... но, ако не пушите додека пиете ќе ви биде за нијанса помалку страшно. Тимот научници од Браун универзитетот се занимавал со овој феномен, и заклучокот бил дека пушачот кој ќе ја испие истата количина на пијалок како и непушачот ќе има многу полош мамурлак.

Лекарите велат дека објаснувањето за тоа се крие во фармаколошкото влијание на никотинот на вашиот нервен систем, па би требало, ако веќе „морате“ да пиете, барем да не пушите таа вечер. Освен тоа, тутунскиот дим содржи ацеталдехид, супстанца која се наоѓа и во алкохолните пијалоци, па ако пушите и пиете нејзиното дејство е засилено што како резултат има непријатни симптоми на мамурлак.

Во истражувањето учествувале 113 студенти чие навики кога станува збор за алкохол и цигари и последици од опивање во евентуална комбинација со пушење се евидентирани во тек на осум недели. Излегло дека пушачите следниот ден имаат потешки симптоми на мамурлак како што се главоболка, умор, тешкотии со концентрацијата и мачина од оние испитаници кои само пиеле.

Како да го намалите ризикот од мамурлак по бурната ноќ?

Обидете се да се контролирате, веројатно знаете колку можете да поднесете, нема потреба да „дивеете“. Освен тоа, не би требало да пиете на празен стомак, бидејќи храната ќе ја успори апсорпцијата на алкохолот, а не е лошо ни да пиете вода меѓу две алкохолни пијалоци. И се разбира, не мора баш да палите цигари една по друга.