Да се имаат неколку килограми вишок можеби воопшто не е лошо по здравјето, укажува една студија на примерок од речиси три милиони луѓе.

Од оваа истражување, со кое раководела Кетрин Флегел од американскиот Центар за контрола и превенција на болести (CDC), излегува дека личностите кои имаат вишок килограми или се и формално дебели, со индекс на телесна маса (BMI) од 30 до 35, се под помал ризик од смрт.

За оваа анализа се користени податоци од речиси 100 студии објавени во Северна и Јужна Америка, Европа и Азија, на повеќе од 2,8 милиони учесници.

За време на траењето на овие студии регистрирани се околу 270.000 смртни случаи меѓу испитаниците. И бидејќи во обѕир се земени фактори како годините, полот или пушењето, излегло дека личностите со вишок килограми се под 6% помал ризик од смрт, а оние дебелите, чиј BMI е до 35, под 5% помал ризик од смрт отколку останатите испитаници.

Меѓутоа, утврдено е дека дебелите испитаници чиј BMI бил повисок од 35, се под над 20% поголем ризик од смрт отколку личностите со нормална телесна маса.

Професионалците овие наоди ги објаснуваат со можносна дека додатното мрсно ткиво носи одредени метаболички користи кои го штитат срцето, како и дека резервите на масти претставуваат дополнителен извор на енергија во случај на болест или кога земањето на храна е отежнато.

Учесниците во оваа студија нагласуваат дека поради сето она што е кажано не е пожелно сите личности со вишок килограми или дебелост од прв степен да се подложат на третмани за слабеење, посебно ако боледуваат од некоја хронична болест.