Зимата малку се смири, но веројатно допрва ќе ни претстојат сурови температури и мразовити ветрови. За жал тоа се не одразува само на сметките за струја и парно. Кожата и косата исто така страдаат од студеното време. Затоа ви нудиме четири едноставни начини да ја заштитите косата од суровите зимски услови...

1.Длабоко навлажнување
Во зимските месеци косата се исцрпува од постојаната борба со сувиот воздух. Затоа не и остануваат сили да се спротивстави на студот. Помогнете и, навлажнете ги длабоко коренот и влакното. Користете обични балсами, балсами и хидратантни маски кои не се мијат (последните еднаш неделно).

2.Јонски и керамички машини и преси
Овој прибор ја загрева косата порамномерно и брзо. Токму поради тоа косата ќе е заштитена од непотребно прегревање и сушење. Јонските фризерски апарати пак ги неутрализираат штетните од електричниот набој.

3.Не излегувајте надвор со влажна коса
Дури и малото количество влага во косата може да доведе до кршење на влакното од студот. Ако сте навикнати да се капете наутро, во зима променете ги навиките и почнете да си ја миете косата вечер. Покрај тоа, на ниска температура со мокра коса, можете да настинете.

4.Носете шапка со свилена постава
Така ќе ја заштитите косата од сушење, електризирање и кршење од триењето. Можете едноставно да ја покриете главата со свилена марама, пред да ја ставите капата или волнениот шал.