Јадењето на јагоди и боровинки три пати неделно го намалува ризикот од срцев удар кај жените. Ова го тврдат американски научници...

Редовната конзумација на овие плодови го намалува ризикот од срцев удар за 1/3, бидејќи плодовите се богати со флавоноиди. Истата концентрација на корисната состојка е застапена и во грозјето. Таа помага во проширување на артериите и го спречува високиот холестерол, така што го зајакнува кардиоваскуларниот систем.

За целта на истражувањето научниците го испитувале здравјето на 93 600 американки на возраст меѓу 25 и 42 години. Во текот на 18 години тие го соопштувале начин на исхрана и секоја промена во него. Во овој период биле дијагностицирани 405 инфаркти. Кај жените кои консумирале повеќе шумски плодови, ризикот од срцев удар бил со 32% понизок отколку кај пациентките кои ги вклучувале во прехранбениот режим барем еднаш месечно.

"Боровинките и јагодите лесно се вклучуваат во дневниот режим на исхрана кај жените. Тоа е една едноставна промена на исхрана, која штити од многу болести на срцето" објасниле експертите од Американската асоцијација за срцеви заболувања.